09 júlí, 2004

Dilbert

Dilbert er komin í guðatölu.

Eins og margir lesendur og vinir mínir kannast við þá tala/skrifa ég víst alveg hrikalega lélega íslensku (eða svo segja sumir). Ég hef reynt að bæta mig í þessu og að mínu áliti þá hefur mér tekist ágætlega til.

Ég hef satt að segja enga tilfinningu fyrir því hvað er að tala/skrifa ranga íslensku. Gjörsamlega enga. Þágufallssýki, leti og fleiri ástæður hafa verið nefndar.

En auðvitað reyni ég að réttlæta sjálfan mig á fullu og nefni ástæður eins og "tungumálið breytist, það er ekkert sem heitir rétt og röng íslenska" eða "ef þú skilur hvað ég er að segja.. skiptir einhverju máli hvernig ég segi það"

En auðvitað eru einhverjir sem mótmæla þessu harðlega. En síðan var ég að lesa moggann í gær og kíkti á Dilbert (sem allir ættu að gera). Í gær tók ég Dilbert í guðatölu.

Skannaði inn myndasöguna og setti hana inn á Kasmir. Linkur á vinstri hlið sem heitir Dilbert ef þið viljið skoða fjársjóðinn.

08 júlí, 2004

Ferðalagið

Ferðalagið

Mun stefna á að gera eftirfarandi hluti.

# Hjóla í kringum Mývatn.
# Labba frá Dettifossi upp í Ásbyrgi, á víst að vera tiltörulega létt þriggja daga ganga.
# Tjalda hjá Öskju.
# Kíkja á hellana í Kverkfjöllum.
# Dvelja í Seyðisfirði (Lonely planet guide mælir með því ;)
# Sjá Steinasafnið hennar Petru Sveinsdóttir í Stöðvarfirði.
# Dvelja í skógum. Veit eiginlega ekki af hverju.. langar það bara.
# Dvelja flest alla dagana (3 Vikur) í tjaldi.
# Fara hringinn, í fyrsta skiptið.

Það eru nokkrir hlutir sem ég er samt að hugsa um.
Búnaður - Er með: Tjald, bakpoka, svefnpoka, 2 buxur, sundbuxur, 3 nærbuxur, 3 bolir, 2 göngusokka, 5 venjulega sokka, Ullargammasíur og bol, regnbuxur, sjóarapeysu, létta flíspeysu, peysu, skyrtu, gönguskó, nál og tvinna, sjampó, tannbursta, tannkrem, bursta, teygjur, íbúfen, Prímus, pottar, eldspýtur, Sandala!!!,

Það sem mig vantar er: Regnjakka, húfu, kannski göngustafi og eflaust helling í viðbót.

Mun þetta duga? Hef ekki nóga mikla reynslu á þessu sviði til að vita það.

Aukalegt
1. Er gríðarlega langþreyttur, ætla að fara snemma að sofa í kvöld.
2. Placebo tónleikarnir voru góðir.
3. Hlakka til að sjá Spiderman 2.
4. Vil spila meira!

06 júlí, 2004

Túristabók

Túristabók

Ég rölti í bæinn í þreytunni minni og verslaði bók í mál og menningu. Lonely planet bók um Ísland. Þar sem ég mun túristast um Ísland þá er eins gott að vera vel búin.

Þessi bók er frá þessu ári og fjallar bara um Ísland, ekki eins og hin gamla sem fjallaði um Ísland, Grænland og Færeyjar. Nú fáum við almennilegar sess.

er að undirbúa ferðina miklu... lítur bara ágætlega út... en hef verið að velta því fyrir mér hvar ég ætti að vera um verslunarmannahelgina... hún er víst þarna í ferðalaginu mínu... einhverjar hugmyndir?

05 júlí, 2004

Helgin

Geggjuð helgi

Föstudagur: Spilað. Þurfti að stytta ævintýrið vegna þess að spilararnir höfðu svo gaman að þvi að tala við hvort annan. Hefði getað setið og gónt í loftið allt kvöldið. Mjög gaman að sjá menn taka upp gamla öfluga karaktera og spila úr þeim.

Laugardagur: L-12 búiðin, bíó og djamm. Fór í L-12 búðina og satt að segja þá er ég búin að taka búðina í algera sátt og finnst mjög gaman að vera á vakt. Maður lendir oft á skemmtilegu spjalli við kúnana (aðalega túristana). Fór svo í bíó á Shaun of the dead. Snilldar ræma sem allir aðdáendur Zombie mynda verða að sjá.
Síðan var skroppið á Gaukinn og horft á Jet black joe. Hangið góða stund í bænum á röltinu.

Sunnudagur:METALLICA. Mætti klukkan eitt í sjálfboðamiðstöðina. Var einhver tilgangslaus fundur þar. Klæddi mig í FLÍS-peysu (takið eftir... ég var í flíspeysu). það var síðan farið á staðinn og við settum okkur niður á svæði.
Tónleikarnir voru geggjaðir. Þegar þeir voru að taka þriðja uppklappið þá óskaði ég þess að hafa ekki farið á vakt heldur bara verið í þrengslunum. krafturinn í þeim var rosalegur.
En ég var á vakt og það þýðir ekkert að væla það. Það var nokkuð gaman að vera á vaktinni en það var heilmikið að gera. Gæslan í sjálfri Egilshöllinni var illa undirbúin og var til dæmis ekki með neitt vatn á svæðinu til þess að kæla þá fremstu. Hitinn var rosalegur, ástandið var þannig að maður sá uppgufuna af húð fólksins. Ég svitnaði eins og ég veit ekki hvað (enda í FLÍS-peysu). Ég var líka í rennunni sem var á milli a-b svæðisins og stóð þar allan tíman meðan Metallica var að spila og það fór frekar illa með lappirnar á mér. Mikið stress, mikill hiti, enn meiri hiti og mikið standerí. Vaktin var mjög löng, 12 tímar og ég átti ekki mikið eftir þegar tónleikarnir voru búnir (eins of flestir sem höfðu verið í gæslu).

Mánudagur: vinna. Lappirnar á mér eru að mótmæla rosalega. Ég er orkulaus með öllu, andlega og líkamlega þreyttur. Finn að líkaminn þarf hvíld.. mikla hvíld. Er í vinnunni og tel tímana þanga til að ég verð búin.. mun ekki taka armbeygjur í dag!